Kanhi suod na managhigala nagpinatyanay, ‘love triangle’ ang giingong hinungdan

Police processing the crime scene at Sambag 1, Cebu City

Share this on Social Media

CEBU CITY— Duha ka kanhi suod nga managhigala apan nahigugma sa usa ra ka babaye, nagpinatyanay. Ang duha ka biktima giila nga sila si Vanzant Navales ug Edwin Bacaltos. Ang anak ni Edwin naigo sa pinusilay ug apil sa namatay. Sigon pa sa report sa Abellana Police Station nga si Vanzant ug iyang igsoon nga si Vincent ug laing tulo ka mga higala niadto sa panimalay sa mga Bacaltos sa may J. Alcantara Street sa Barangay Sambag 1, Cebu City (January 21,2019) ug KG-9 nga armas. Giingong nakalalis ni Vanzant ang mga Bacaltos, nga miresulta sa pagbunot niini sa .9mm nga armas ug gipusil si Vanzant sa makadaghang higayon. Bisan sa pagkatumba ni Vanzant ang anak ni Bacaltos nga si Michael Vincent, giingong mikuha sa armas ni Vanzant ug gitiwasan. Dihang nakita ni Vincent ang hitabo iya sab nga gipusil si Edwin sa makadaghang higayon. Iya nga gipusil ang laing anak ni Edwin nga si Shaun kinsa buot lamang unta nga mouwang sa away. Si Vincent ug ang iyang tulo ka kauban ang daling misibat sakay sa usa ka pula nga Hyundai nga adunay plaka nga MP 4500. Dead on the spot si Vanzant samtang suway pa nga gidala sa Chong Hua Hospital si Edwin ug Shaun apan wa na makaabut nga buhi si Shaun samtang nakabsan sa iyang kinabuhi si Edwin pipila ka oras ang nakalabay. Sigon pa sa usa ka residente sa lugar nga paspas kaayo ang maong panghitabo.

Giingong suod kaayo nga managhigala si Vanzant ug Shaun apan gitapos nila ang ilang lima ka tuig nga panaghigalaay human nila masuta nga nahigugma sila sa usa ra ka babaye. Ang ilang panagbangi milungtad sa pipila ka mga tuig nga nakaapekto na sa ilang mga pamilya, hinungdan nga gipatawag sila sa barangay aron husayon. Apan wala mopakita ang duha aron husayon. Gisusi karon sa mga otoridad ang ubang closed-circuit television (CCTV) cameras duol sa crime scene sanglit ang CCTV gikan sa usa ka pharmacy duol sa panimalay sa mga Bacaltos dili tin-aw. Si Vincent ug iyang tulo ka kauban ang pasakaan ug kasong murder samtang si Michael Vincent kasuhan ug homicide. Giangkon niya ang krimen apan igo lang matud pa nga gipanalipdan ang iyang pamilya. |Ramil Paican

Leave a Reply

Your email address will not be published. Required fields are marked *