CEBU: Politika ang gitutukan nga motibo sa ambush

Share this on Social Media

UPDATE – Apil nga nagbangutan sa pag-ambus patay kang San Fernando ABC President Ricardo “Nonoy” Reluya Jr. ang iyang mga kaubanan sa motocross racing.  Si Reluya aktibo nga rider sa motocross ug organizer sa maong matang sa isports dinhi sa Sugbo. Silang tanan nakalitan sa maong hitabo sanglit kanunay man nilang makauban ang NC Racing ni Nonoy matag adunay lumba, “Rest in Peace Pre NR! Nonoy Reluya, ride in heaven, it was a bad finish.  The whole Motocross industry mourns for this saddened news. To Mayor Neneth Reluya please stay strong Mare, praying for your speedy healing and recovery.  Our deepest sympathy to your family” sumala pa sa FB post ni Daan Bantayan councilor Malou Pepito  nga usa usab ka motocross race organizer.

Apil sab nga mitimbaya sa mitimbaya sa pamilyang Reluya mao si Jhamez Canoy pangulo sa Cebu Provincial Youth Commission (PYC), “ Our deepest condolences to the family of Capt. Nonoy Reluya. Rst in Peace Capt.!  We are praying for Mayor Neneth reluya and to the whole family. To my PYC Commissioner Shane naa rami imong PYC Family and we are praying for you and the whole family”, mensahe ni Canoy diha sa iyang FB account alang sa pamilyang Reluya.

Nasayran nga si Mayor Lakambini “Neneth” Reluya ug iyang bana nga si Nonoy Reluya gibanhigan sa mga armadong tawo samtang luwan kini sa ilang gisakyan nga Toyota Grande Van sa may barangay Linao sa dakbayan sa Talisay pasado alas 6 kagahapon sa hapon(January 22, 2019). Bisan ug natusak tusak sa bala sa M16 Rifle ang sakyanan nakalingkawas si Mayor Reluya nga nagpa-alim pa karon sa usa ka pribadong tambalanan sa syudad sa Sugbo, samtang nakabsan diha-diha sa iyang kinabuhi si Nonoy Reluya. Dead on the spot sab ang laing kauban nila sa van nga sila si Allan Bayot ug Ricky Monterona  samtang laing tulo ang gidala sa tambalanan nga naglakip sa mayor.  Ang Scene of the Crime Operatives (SOCO) nakarekober ug kapin sa 50 ka kabhang sa bala sa crime scene.

Politika ang gitutukan karon nga motibo sa mao nga krimen sanglit re-electionist man si Mayor Reluya ug modagan usab sa pagkabise mayor ang iyang bana.  Sigon pa sa kapolisan nga may nadawat nga mga death threats ang mga Reluya. Karon lang nga buwan laing duha ka mga sakop sa partido sa mga Reluya ang gibanhigan usab ug namatay.

Samtang gihatagan lang ug duha ka simana nga tagal ni Philippine National Police Chief Oscar Albayalde ang kapolisan sa dakbayan sa Talisay ug mga opisyal sa Cebu Provincial Police Office (CPPO) pagsulbad sa kaso.|Ramil Paican

Leave a Reply

Your email address will not be published. Required fields are marked *